02. ZARATAZ HARATAGO

Zarataz haratago
Bilatu, agian hor nago
Isiltasun bat behar dut
Inoiz baino ozenago

Ispilu ilun
Ez nago hemen
Ispilu ilun
Ez nago inun

03. BASAN

Hegoa kantuz enbor hutsetan
Sustrai iharren traza ahoan
Hosto horizko erreka bat
Begiak hartu dizkizu lanbroak

Eta hortz zurietan sagar gorriak
bihotzak erein lorategian
Izotza ez den izpi urdin bat
Begiak argitu dizkizu lanbroak

Zuhaitzak bezain soil, atzamarrak basan
Ikusten ez dugunaren gainean dantzan
Izen berriak idatzi loreen hizkuntzan
Erabaki artean hau zertan datzan

Bidea eginda lanbrotan barrena
Hobeto ikusten da ikusten ez dena

04. GERORIK BALEGO

Zerbaitetan sinestu
Nahi nuke baina
Zakar da giroa
Ezbaietan hain estu
Dator oraina
Azkarregi goaz

Gerorik balego
Norantz da
Hegorik balego
Gorantza
Erori ta gero, gero, gero
Gerorik balego edo, edo
Gerorik balego bego
Zenbatetan saihestu
Hozkatu ezpaina
Egitean lehen aldiz
Orain ezin babestu
Orain orbaina
Orain hasiberri

05. ZALDI ZURI BAT

Zaldi zuri bat
sartu zait logelan
atea itxi du
hego haizeak

Ilargi izpi urdinpean
bi begi beltz arnastean
isiltasun karrankari erdian
azala blai agerian

Zaldi zuri bat
sartu zait logelan
atea itxi du
hego haizeak
irrintzi egin ta
sartu zait sabelan
zango bat jarri dit
bihotz gainean

Iragana eutsi nahian
Esku ahurrak babatuta
orain zati puskak batu ta
atalka banandu dut kulpa
Uko egiteko garaian
Ezin uko egin

Zaldi zuri bat
sartu zait logelan
atea itxi du
hego haizeak
irrintzi egin ta
sartu zait sabelan
zango bat jarri dit
bihotz gainean

Parez parez galdetu diot
Zer zabiltza hemen?
Birikak airez bere ditut
Zer zabiltza hemen?
Gelako leihoa hautsi dut
Zer zabiltza hemen?
Bere bizkarrera igo naiz
Zer zabiltza hemen?
Zerbait daukat barruan baina
ez dakit zer den (x3)

06. AZKEN EGUZKI PRINTZAK

Irudimena biharamun zenean
Irudi bera
Hiru dimentsioko mapa batean
Azala bera

Erakarri dituzu
azken eguzki printzak
Eta, nahi baduzu behintzat…

Metamorfosi baten erdian bezala
Koloreak hegan
Dena amaituko bada hemen har nazala
Hauxe da, edan

Erakarri dituzu
azken eguzki printzak
Eta, nahi baduzu behintzat
Nik jango zaitut

08. AZTARNA

agian
ez nintzen
argia izan

agian
etzuten
entzuten

Eta nik
Uste nuen itsu
Iluna garbitu
Nezakeela

Konturatu nintzen
Aztarna batek
Alda nazake
Salba nazake

Eta zerbaiten zain nago

09. NAHI GABE

Esku bat estu
Dit uki
Ta ni babestu
Larrutik
Zutik atera
Izutik
Geruzak kendu
Azaletik

Nahi gabe
Ukitu nizkizun
zenbait zauri
Eta orain
Eman nahi dizut
Zerua zuri

Errua erruz
Erruki
Gordeta Tenplu
Bat Eduki
Aierua gertu
Dabilkit
Aingeru bat
Erdu
Zainetik

10. LORE BAT

Ahitu ziren hitzak
gaur mintzo zaizu mintza
ezin so zure isla
ezin usteak ustel
bizitzak noiztik zarabiltza

Fereka bati fedeka
Fedetik federa
ertzetik ezera
halaereka, asper eta
asperenka

Lore bat emango dizut
eta nahi baduzu erre
eskuak urez bete ditut
baina ez nago haserre

Damua duzu amu
"Ahalko banu"ak mamu
Etzidamuz, berandu
zatoz berriz ta han gu
zaildu, zainak eman eta zaindu

Munduak zerbait zain du
Munduak zerbait zain du

Lore bat emango dizut
eta nahi baduzu erre
eskuak urez bete ditut
baina ez nago haserre

Lore bat emango dizut
eskuak urez bete ditut
Lore bat emango dizut
eskuak urez bete ditut
Ez nadin egon haserre
behingoz zainetatik erre